Poesia

POESIA                                                        21-3-1996

El mio far poesia xe semplice
fato de pensieri picenini
scriti cussì, come che i vien,
messi subito su la carta
e sensa venir rileti.
Xe na poesia co la “p” minuscola.
Ma la xe fata da pensieri
che vien da l’anima,
i nasse nel cuor
pian pian i se forma
i se svarigola
i se ingrossa
i va su
i ariva nel servelo
i me impinesse la testa
i se s-ciarise ‘na s-ciantina
e passando per el brasso eco…
i ariva su la carta.

Ma anca se i xe pensieri picenini
semplici
co i parla de ti,
Venessia,
amo lo stesso ciamarli
poesia

POESIA

Il mio fare poesia è semplice,
fatto di pensieri piccolini
scritti così, come vengono,
messi subito sulla carta
E senza venir riletti.
E’ una poesia con la “p” minuscola.

Ma è fatta di pensieri
che vengono dall’anima;
nascono nel cuore
piano piano si formano
si svitano
si ingrossano
vanno su
arrivano al cervello
mi riempiono la testa
si schiariscono un pochino
e passando per il braccio ecco…
arrivano sulla carta.

Ma anche se sono pensieri piccolini
semplici
quando parlano di te,
Venezia,
amo lo stesso chiamarli
poesia